ನವದೆಹಲಿ: ಫಿಫಾ ವಿಶ್ವ ರ್ಯಾಂಕಿಂಗ್ ಅಂಕ ಪಟ್ಟಿಯಲ್ಲಿ ಭಾರತ ಈ ಹಿಂದಿನ ವರ್ಷಕ್ಕಿಂತ 2 ಸ್ಥಾನ ಮೇಲಕ್ಕೇರುವ ಮೂಲಕ 135ನೇ ರ್ಯಾಂಕಿಂಗ್ ಪಡೆದುಕೊಂಡಿದೆ. 

ಕಳೆದ 6 ವರ್ಷಗಳಲ್ಲೇ ಭಾರತದ ಗರಿಷ್ಠ ರ್ಯಾಂಕಿಂಗ್ ಇದು ಎಂಬುದಷ್ಟೇ ಸಮಾಧಾನದ ವಿಷಯವಾಗಿದೆ. ಈ ಕುರಿತು ಪ್ರತಿಕ್ರಿಯಿಸಿರುವ ಭಾರತ ಫುಟ್ಬಾಲ್ ತಂಡದ ಕೋಚ್ ಸ್ಟೆಫೆನ್ ಕಾಂಟಸ್ಟೈನ್, ಆಟಗಾರರ ಅತ್ಯುತ್ತಮ ಪ್ರದರ್ಶನದಿಂದಾಗಿಯೇ ಇದು ಸಾಧ್ಯವಾಗಿದೆ ಎಂದರು. 

ಪಟ್ಟಿಯಲ್ಲಿ ಮೊದಲ 5 ಸ್ಥಾನದಲ್ಲಿ ಕ್ರಮವಾಗಿ ಅರ್ಜೇಂಟೀನಾ, ಬ್ರೆಜಿಲ್, ಜರ್ಮನಿ, ಚಿಲಿ ಮತ್ತು ಬೆಲ್ಜಿಯಂ ತಂಡಗಳಿವೆ.